Ўзбекистон Республикаси ветеринария ва чорвачиликни ривожлантириш  давлат қўмитаси раиси Баҳром Норқобилов Навоий вилояти Нурота тумани  “Нурота қоракўл наслчилик” МЧЖда бўлди

Ташриф давомида жамиятда чорва моллари касалликларига қарши олиб борилаётган чора-тадбирлар, эпизоотик барқарорликни таъминлаш билан бирга, чорвачилик маҳсулотлари ишлаб чиқариш, моллар наслини яхшилаш ва маҳсулдорлигини ошириш, чорвачилик сохасининг самарадорлигини ошириш борасида амалга оширилаётган ишлар билан танишди.

Ўзбекистон Республикаси Президентининг 2018 йилда Навоий вилоятига ташрифи давомида берилган топшириқлар асосида Нурота туман “Нурота қоракўл наслчилик” МЧЖ га 2018 йил 29 сентябр куни Россия федерацияси Оренбург вилоятидан Элита тивит жун йўналишидаги жами 1418 бош эчки, така, саркалар олиб келинди. Шундан 1074 бош урғочи эчкилар, 16 бош така, 328 бош саркалар келтирилган.

МЧЖ раҳбари Қ.Ҳазратов, Зоотехник Ў.Жузбоев ва ветеринария врачи Ў.Бўриқуловларнинг сайи ҳаракати билан эчкилар Ўзбекистон шароитига мослаштирилиб, 2600 бошга кўпайтирилди, шундан  500 бош эчкилар кам таъминланган аҳолига сотилди.

Ҳар бир эчкидан 500-700 грамм элита тивит жуни олиниб, Республиканинг ички бозорларида сотилмоқда.

Келгусида эчкилардан олинган жунни МЧЖнинг ўзида қайта ишлаб маҳсулот ишлаб чиқаришни йўлга қўйиш режалаштирилган бўлиб, бунинг учун асбобо-ускуналар харид қилиш чоралари кўрилмоқда.

Бугунги кунда МЧЖ да 33 минг 156 бош майда шохли моллар боқилиб келинмоқда.