ҲАЛҚАРО ВЕТЕРИНАРИЯ КУНИ!
Жамиятда ветеринария касбининг муҳимлиги ва инсониятнинг тарққиётидаги аҳамиятини сингдириш, ветеринария ташкилотлари ва ветеринария врачларининг нуфузини кўтариш мақсадида 2000 йилда Ҳалқаро ветеринария ассоциациясининг ташаббуси билан ҳар йил апрел ойининг охирги шанба кунини “Ҳалқаро ветеринария куни” деб белгиланиши ҳақида қарор қабул қилинди ва ҳар йили ушбу кун кўпгина давлатларда байрам сифатида нишонлаб келинмоқда.
Ушбу кунни янада кенг байрам қилиш мақсадида 2008 йил Ҳалқаро Ветеринария ассоциацияси билан Ҳалқаро Эпизоотик Бюро ҳамкорликда аъзо давлатларнинг ветеринария хизматлари, ветеринария ассоциациялари, олимлар ва ветеринария врачларини Ҳалқаро ветеринарлар куни мукофотини жорий этиш бўйича келишув имзолади ва биринчи бўлиб шу йили Кения ветеринария ассоциацияси “Энг яхши ветеринария ассоциацияси” сифатида мукофотланди.
Ветеринария соҳаси ҳайвонлар соғлиғини сақлаш билан бирга аҳолини инсон ва ҳайвонлар учун умумий бўлган касалликлардан муҳофаза қилишда муҳим ахамиятга эга.
Бутунжаҳон ветеринарлари томонидан ҳайвонларни соғлиғини сақлаш борасида олиб борилаётган ишларнинг пировардида инсонлар саломатлиги диққат эътиборда бўлмоқда.
Озиқ-овқат маҳсулотларининг аҳолига етказиб берилишида фермадан дастурхонгача бўлган даврда ветеринарлар асосий ўринни эгаллайди. Ва бу жараённи ветеринарларсиз тасаввур этиб бўлмайди.
Вилоят ветеринария бошқармаси жамоаси Республикамизнинг барча ветеринар ходимларини, шунингдек ушбу соҳада меҳнат қилиб келаётган ишчи-ходимларни "Ҳалқаро ветеринарлар куни" билан табриклайди. Сизларнинг ветеринария соҳаси ривожланиши, ветеринар осойишталикни таъминлаш борасидаги фаолиятингизда муваффақиятлар тилаб қолади.
Бошқарма маъмурияти
