Давлат органлари ва ташкилотлари кадрлар хизматлари раҳбарлари ҳамда ҳокимликлар ташкилий-кадрлар гуруҳлари раҳбарлари билан мулоқот бўлиб ўтди.
Мулоқот давомида иштирокчилар билан вилоятда “Давлат фуқаролик хизмати тўғрисида”ги қонун ижроси юзасидан амалга оширилаётган ва келгусида вазифалар муҳокама этилиб, кадрлар хизматлари раҳбарларининг таклиф ва тавсиялари тингланди.
Шунингдек, мулоқот иштирокчиларига Ўзбекистон Республикаси Президентининг “Янги Ўзбекистон маъмурий ислоҳотларини амалга ошириш чора-тадбирлари тўғрисида”ги Фармони ҳамда “Янги Ўзбекистон маъмурий ислоҳотлари доирасида республика ижро этувчи ҳокимият органлари фаолиятини самарали ташкил этиш чора-тадбирлари тўғрисида” қарори мазмун моҳияти ва унда белгиланган вазифалар тўғрисида тушунчалар берилди.
