Тиббиёт инсонни, ветеринария инсониятни даволайди!
Ишонч телефонлари
(+99879) 225 58 96
(+99879) 225 58 29
Манзил:
Навоий шаҳри, Имом Ал-Бухорий кўчаси 3 a -уй.

НАВОИЙ ВИЛОЯТИ ВЕТЕРИНАРИЯ БОШҚАРМАСИ

Ташкилотининг расмий веб-сайти

    Тилозин-П препаратини қўллаш бўйича Қўлланма

    ЎЗБЕКИСТОН РЕСПУБЛИКАСИ ҚИШЛОҚ ВА СУВ ХЎЖАЛИГИ ВАЗИРЛИГИ ҲУЗУРИДАГИ ДАВЛАТ ВЕТЕРИНАРИЯ БОШ БОШҚАРМАСИ БОШЛИҒИНИНГ БУЙРУҒИ

    ЧЎЧҚАЛАР ВА ПАРРАНДАЛАРНИНГ БАКТЕРИАЛ КАСАЛЛИКЛАРИНИ ДАВОЛАШ ВА ОЛДИНИ ОЛИШДА ТИЛОЗИН-П (СУВДА ЭРУВЧИ КУКУН) ПРЕПАРАТИНИ ҚЎЛЛАШ БЎЙИЧА ҚЎЛЛАНМАНИ ТАСДИҚЛАШ ТЎҒРИСИДА

    [Ўзбекистон Республикаси Адлия вазирлиги билан келишилган ҳолда техник ҳужжат деб топилган, 2008 йил 2 апрель 20-15-89/11-сон]

               Ўзбекистон Республикасининг «Ветеринария тўғрисида»ги Қонуни талабларини бажариш мақсадида Ўзбекистон Республикаси Вазирлар Маҳкамасининг 2007 йил 21 декабрдаги 03-38-144-сонли баёнига мувофиқ буюраман:

               1. «Чўчқалар ва паррандаларнинг бактериал касалликларини даволаш ва олдини олишда Тилозин-П (сувда эрувчи кукун) препаратини қўллаш бўйича Қўлланма» иловага мувофиқ тасдиқлансин.

               2. Мазкур ҳужжат Ўзбекистон Республикаси Адлия вазирлигида давлат рўйхатидан ўтказилган кундан бошлаб 10 кун ўтгандан кейин кучга киради.

               3. Мазкур Қўлланма тасдиқланиши муносабати билан Ўзбекистон Республикаси Давлат ветеринария бош бошқармаси томонидан 2007 йил 14 сентябрда тасдиқланган «Чўчқалар ва паррандаларнинг бактериал касалликларини даволаш ва олдини олишда Тилозин-П (сувда эрувчи кукун) препаратини қўллаш бўйича Қўлланма» ўз кучини йўқотган деб ҳисоблансин.

               4. Мазкур буйруқнинг ижросини назорат қилишни ўз зиммамда қолдираман.

    Бошлиқ в.в.б. М. ЮСУПОВ

    Тошкент ш.,

    2008 йил 19 март,

    62-сон

     

    Ўзбекистон Республикаси Қишлоқ ва сув хўжалиги вазирлиги ҳузуридаги Давлат ветеринария бош бошқармасининг 2008 йил 19 мартдаги 62-сонли буйруғи билан

     

    «ТАСДИҚЛАНГАН»

    Чўчқалар ва паррандаларнинг бактериал касалликларини даволаш ва олдини олишда Тилозин-П (сувда эрувчи кукун) препаратини қўллаш бўйича

    ҚЎЛЛАНМА

    I. Умумий маълумотлар

    1. Тилозин-П (Tilosin-P) — г таркибида 500 мг тилозин тартрат мавжуд, бу эса 500 000 ИЕ тилозин асосига тенг бўлган препарат.

    2. Ташқи кўринишига кўра препарат оқдан то оч-сариқ ранггача бўлган ичга қабул қилинувчи кукун.

    3. Препарат банкаларга 200, 500,1000 г дан ва бочкаларга 25 кг дан қадоқланади.

    4. Тилозин-П препарати Б рўйхати бўйича қуруқ, ёруғлик тушмайдиган жойда, 15°С дан 300° С гача ҳароратда сақланади.

    Препаратнинг яроқлилик муддати сақлаш шартларига риоя қилинганда тайёрланган кунидан бошлаб 3 йил.

    II. Фармакологик хусусиятлари

    5. Тилозин макролидли антибиотик бўлиб, граммусбат ва баъзи грамманфий микроорганизмларга (кокклар, клостридиялар, эризипелотрикслар, пастереллалар, кампилобактериялар, спирохеталар, лептоспиралар, бруцеллалар, нейсериялар, риккетсиялар, гемофилюслар, хламидиялар, ҳамда микоплазмаларга) нисбатан фаол таъсир кўрсатади.

    6. Препарат рибосомалар босқичида оқсил синтезларига тўсқинлик қилиш орқали (50S-рибосома субирликларини узлуксиз боғлаш йўли билан) бактериостатик таъсир кўрсатади.

    7. Препарат перорал равишда қўлланганда ошқозон-ичак трактидан яхши сўрилади, ҳайвонларнинг деярли барча орган ва тўқималарига тарқалади. Организмдан асосан сафро ва сийдик орқали, соғин сигирларда — сут билан ажралиб чиқади.

    8. Препарат тетрациклинлар, сульфаниламидлар, нитрофуранлар, эритромицин, спектиномицин билан биргаликда қўлланилиши мумкин.

    9. Тилозин эритмаси термостабил ҳисобланади, лекин ёруғликка таъсирчан.

    III. Қўллаш тартиби

    10. Тилозин-П даволаш ва профилактика мақсадида қуйидагиларда қўлланилади:

    паррандаларга Mycoplasma gallisepticum, М. synoviae, М. meleagridis қўзғатган микоплазмали инфекцияларда, гемофилез, спирохетоз ва кампилобактериозларида;

    чўчқаларга дизентерия, некротик энтерит ва бактериал этиологиядаги гастроэнтероколитларида қўлланилади.

    11. Препарат орал равишда ичиш учун ягона суюқлик тариқасида ичимлик суви билан ичирилади.

    Тилозин-П паррандаларга профилактика мақсадида 1 литр ичимлик сувига 1 г препарат дозасида (0,5 г ёки 500000 ИЕ тилозин асос) қуйидаги схема бўйича берилади:

     

    Паррандалар гуруҳи‎

    Ёши‎

    Қўллаш давомийлиги (сутка)‎

    Бройлер-жўжалар‎

    1-кунлик‎
    ‎28-кунлик

    3
    ‎1‎

    Таъмирдаги ёш тухум қўювчи наслдор товуқлар‎

    1-кунлик
    ‎3-ҳафта
    ‎9-ҳафта
    ‎16-ҳафта‎

    3
    ‎1
    ‎2
    ‎2‎

    Наслдор тухум қўювчи товуқлар‎

    1-кунлик
    ‎4-ҳафта
    ‎9-ҳафта
    ‎16-ҳафта‎

    5
    ‎2
    ‎2
    ‎2‎

    Бройлер-куркалари‎

    1-кунлик‎
    ‎4-ҳафта

    5
    ‎1‎

     

    Препарат паррандаларни даволаш мақсадида худди шу дозада, касалликнинг оғирлигига қараб 2—5 кун давомида қўлланилади.

    Чўчқаларни даволашда препарат 2 л ичимлик сувига 0,5 г препарат дозасида (0,25 г ёки 250 000 ИЕ тилозин асоси) 3—5 кун мобайнида берилади. Касаллик аломатлари йўқолгач ҳам препарат яна бир кун давомида қўлланилади.

    Изоҳ: Препарат аввал озроқ миқдордаги сувни препаратга қўшган ҳолда эритилади, сўнгра эритма сув билан керакли концентрациягача аралаштирилади. Сувхўракларни қуёш нурлари тушмайдиган жойга қўйиш лозим.

    12. Қўшимча асоратлар. Камдан-кам ҳолатларда чўчқаларда эритема, орқа чиқарув соҳасида қичишиш кузатилади. Бу белгилар препарат қўлланилиши тўхтатилгач йўқолиб кетади ва қўшимча даволашни талаб этмайди.

    13. Қарши кўрсатмалар. Препарат қуёнларга, денгиз чўчқаларига ва олмахонларга, шунингдек тухумларидан истеъмол мақсадида фойдаланилувчи тухум қўювчи паррандаларга (товуқ ва куркаларга) қўлланилмайди.

    14. Паррандаларни ва чўчқаларни сўйишга препарат қўлланилгандан кейин камида 3 кун ўтгач рухсат этилади. Белгиланган муддатдан аввал сўйилган парранда ва ҳайвонларнинг гўштидан гўштхўр ҳайвонларга емиш сифатида ёки гўшт суяк уни ишлаб чиқаришда фойдаланилади.

    IV. Шахсий профилактика чоралари

    15. Препарат билан ишлаганда, ветеринария препаратлари билан ишлашда кўзда тутилган шахсий гигиена ва техника хавфсизлигининг умумий қоидаларига риоя этиш керак.

    V. Норозиликларни баён этиш тартиби

    16. Препарат ушбу Қўлланма талабларига мувофиқ келмаган тақдирда, унинг қўлланилиши тўхтатилиб, бу ҳақида Ўзбекистон ветеринария препаратлари давлат илмий назорат лабораториясига қуйидаги манзил бўйича мурожаат қилинади: 100178, Тошкент ш., А.Юнусов кўчаси, 1а уй. Тел./факс: 228-76-14, 229-30-47. E-mail: uzgnkl@rambler.ru. Бир вақтнинг ўзида лабораторияга препаратнинг лаборатория билан келишилган миқдордаги очилмаган ўрамлари ва препаратнинг қўлланмага мувофиқ келмаслигининг тўлиқ тавсифи жўнатилади.

     

     

     

     

                                                       

    Эмламалардан фойдаланиш тартиби янада такомиллаштирилди

    Эмламалардан фойдаланиш тартиби янада такомиллаштирилди

    Республика Давлат ветеринария Бош бошқармасининг буйруғи билан “Эмламалар билан ишлашдан олдин махсус инструктаж ўтказиш бўйича ЙЎРИҚНОМА” тасдиқланди.  ...

    Жузбаев Бахтберган Холдикулович

    Жузбаев Бахтберган Холдикулович

    Жузбаев Бахтберган Холдикулович   Навоий вилояти  ветеринария   бошқармаси Давлат ветеринария назорати бўлими бошлиғи   Телефон: (+998 79) 225 58 96, 225 58 29   факс: (+998 79) 225 58 96...

    Сутни ВСЭ утказиш

    Сутни ВСЭ утказиш

    17-06-2014                Мазкур Қоидалар Ўзбекистон Республикасининг «Ветеринария тўғрисида»ги, «Давлат санитария назорати тўғрисида»ги,...

НАВОИЙ ВИЛОЯТИ ДАВЛАТ ВЕТЕРИНАРИЯ БОШҚАРМАСИ
Веб-сайт маълумотларидан фойдаланилганда, NAVOIVET.UZ манбаа сифатида кўрсатилиши шарт!