“Органик ва органик-минерал ўғитларнинг хавфсизлиги туғрисидаги умумий техник регламент” тасдиқланди.
Вазирлар Маҳкамасининг 2020 йил 18 ноябрдаги “Органик маҳсулотлар ва хомашёлар ҳамда органик-минерал ўғитларнинг хавфсизлигига доир айрим норматив-ҳуқуқий ҳужжатларни тасдиқлаш тўғрисида” ги 729-сонли қарори билан органик махсулотлар ва хомашёларни ишлаб чиқарувчилар реестрини шакллантириш ва юритиш, ишлаб чиқарувчиларга доир маълумотлар базасига узгартириш ва кушимчалар киритиш тартибини назарда тутувчи “Органик махсулотлар ва хомашёларни ишлаб чиқарувчилар реестрини шакллантириш ҳамда юритиш тартиби туғрисидаги низом” ва органик ва органик-минерал угитларнинг хавфсизлигига, ишлаб чикаришга, ташишга, сақлашга, йуқ қилишга, кайта ишлашга хамда сотишга қўйиладиган талабларни назарда тутувчи “Органик ва органик-минерал ўғитларнинг хавфсизлиги туғрисидаги умумий техник регламент” тасдиқланди. Регламент 2022 йил 1 майдан эътиборан амалга киритилади.
Регламентда органик ўғит-келиб чиқиши ўсимлик ёки ҳайвонлар билан боғлиқ моддалардан ташкил топган ўғит, тезак-қушларнинг, қуёнларнинг тушамали ёки тушамасиз чиқиндилари, тушама гунг-тушама ва ем-хашак қолдиқлари мавжуд булган гўнг, тўшама- чиқиндиларни сингдириш ва иссиқ қуруқ жой яратиш учун қишлоқ хўжалиги ҳайвонларига тўшаладиган намликни ютувчи материаллар, чиринди-ўсимлик ва ҳайвонларнинг органик чиқиндилари чириши жараёнида хосил бўлган бир хил сертупроқ масса, эффлюент-метантенк ферментерларида органик чиқиндиларни анаэроб тарзда қайта ишлаш натижасида олинган органик уғит тушунчалари аниқлаштирилиб, ўғитлар хавфсизлигига, ишлаб чиқаришга, чорвачилик мажмуаси биноларидан суюқ гунгни чиқариб ташлашга, уғитларни ташишга, сақлаш хавфсизлигига, йуқ қилиш ва қайта ишлаш хавфсизлигига, угитлардан фойдаланиш хавфсизлигига куйиладиган ва бошқа талаблар белгиланди.
Бошқарма ахборот хизмати
