“ЯЛЛАМА” ЧЕГАРА ВЕТЕРИНАРИЯ НАЗОРАТИ ПУНКТИДА МАХСУС-ТАКТИК ЎҚУВ МАШҚИ ЎТКАЗИЛДИ.

Жорий йилнинг 21 июль куни Тошкент вилоятининг Чиноз тумани ҳудудида жойлашган "Яллама" чегара-божхона постида “Республика худудига четдан ўта хавфли юқумли касалликларнинг кириб келиши ҳамда республика худудидаги мавжуд табий ўчоқлардан келиб чиқиши ва тарқалишини олдини олишга қаратилган чора-тадбирлар режаси”га асосан Республика худудига четдан ўта хавфли юқумли касалликларнинг кириб келиш хавфини олдини олиш ва бартараф этишда “Мутасадди хизматларнинг ҳамкорликдаги ҳаракатлари” мавзусида махсус-тактик ўқув машқи ўтказилди.

Ушбу тадбирни ташкил этиш ва ўтказишдан асосий мақсад – четдан ўта хавфли юқумли касалликларнинг республикамиз худудига кириб келиши ва тарқалишини олдини олишга қаратилган тадбирларни бажаришга маъсул бўлган хизматларнинг куч ва воситаларида ҳаракатланиш бўйича амалий кўникмалар ҳосил қилиш ва мустаҳкамлаш, хизматлараро ҳамкорликни янада кучайтириш ва такомиллаштиришдан иборат.

Мазкур тадбирда Давлат ветеринария қўмитаси, Соғлиқни сақлаш, Ички ишлар ва Фавқулодда вазиятлар вазирликлари, Давлат божхона қўмитаси ҳамда бошқа тегишли вазирлик ва идоралардан жами 224 киши иштирок этиб, 21 та махсус техникалар жалб этилди.

Махсус-тактик ўқув машқи бўйича давлат ветеринария назорати хизматига юклатилган вазифалар “Яллама” чегара ветеринария назорати пункти ходимлари томонидан тўлиқ кўрсатиб берилди.

Ўзбекистон Республикаси

Давлат ветеринария қўмитаси

Манба:http://vetgov.uz