Ўзбекистон Республикаси Вазирлар Маҳкамасининг 2011 йил 8 июлдаги “Қаровсиз қолган ҳайвонларни тутиш ва сақлаш билан боғлиқ хизматлар фаолиятини такомиллаштириш чора-тадбирлари тўғрисида” ги 202-сонли қарори билан ветеринария хизматига юклатилган вазифаларнинг тўлақонли ижросини таъминлаш, вилоят ҳудудида қутуриш касаллиги келиб чиқишининг олдини олиш мақсадида ҳамда Бутунжахон Соғлиқни сақлаш ташкилоти ҳомиййлигида қутуришга қарши курашиш бутунжаҳон альянси (Global Alliance for Rabies Control ) ташаббуси билан белгиланган 28-сентябр- “Бутун жаҳон қутуриш касаллигига қарши кураш куни” (World Rabies Day) нишонланиши муносабати билан 2016 йил 26 сентябрдан 26 октябргача вилоят ҳудудида “Қутуриш касаллигига қарши курашиш ойлиги эълон қилинди.
ойлик давомида ҳудуддаги ит ва мушукларни рўйхатга ва қайта рўйхатга олиш, клиник кўрикдан ўтказиш, паспорт ва жетон бериш, профилактик эмлаш тадбирлари амалга оширилади.
Сизлардан ўз қормоғингиздаги уй ҳайвонлари ва чорва молларини клиник кўрикдан ўтказиш, эмлаш, паспорт ва жетон бериш учун ҳудудингиздаги ветеринария муассасаларига олиб келишингиз ёки ветеринария мутахассисисини уйга чақиртиришингиз сўралади.
Дайди ва назоратсиз ҳайвонларни кўрганингизда уларни тутиш ва олиб кетиш учун ҳудудий ободонлаштириш бошқармаларига ёки маҳаллага хабар беринг!
Эсда тутинг, қутуриш бедаво касаллик, ундан сақланиш ўз қўлимизда!
Вилоят давлат ветеринария бошқармаси маъмурияти.
Мурожаат учун тел.: (0436) 225 58 96, 225 58 29
