Сана: 25-11-2020, 17:02 | Бўлим: Ташкилот хакида » Янгиликлар
Мамлакатимизда кейинги йилларда чорвачилик, хусусан, унинг муҳим тармоқларидан бири ҳисобланган қуёнчиликни ривожлантиришга алоҳида эътибор қаратиляпти.
Бу борада истиқболли лойиҳалар ҳаётга татбиқ этилиб, соҳа вакилларига бир қатор қулайликлар яратилмоқда.
Қуёнчилик аҳолининг бирламчи маҳсулотларга бўлган эҳтиёжини қондиришда ҳам асосий ўринлардан бирини эгаллайди.
Шу боис худудларда мазкур тармоқни жадал ривожлантириш, қуёнчилик хўжаликлари фаолиятини йўлга қўйиш борасида тизимли ишлар олиб борилмоқда.
Хусусан, Навоий вилояти худудида ҳам қуён парваришлаш, қуён гўшти ва терисини қайта ишлашга ихтисослашган хўжаликлар ташкил этилмоқда.
Айни пайтда Навоий шаҳридаги қуён гўшти ва терисини қайт ишлашга ихтисослашган “Олима Лайло келажаги” МЧЖда оқ великан, кулранг великан, оқ момиқ ва ангор зотли 120 бошдан зиёд қуён парвариш қилинмоқда.
Маълумот ўрнида айтиш жоизки, тўйимлилиги бўйича қуён гўштининг 1 килограмми мол гўштининг 1,45 килограммига тенг.
Қолаверса, унинг гўшти холестерини камлиги бўйича қўй, мол ва бошқа жониворларникидан фарқ қилади.
Таркибидаги оқсилнинг 90 фоизи инсон организми томонидан тўлиқ ўзлаштирилади. Бундан ташқари, қуён гўшти инсон саломатлиги учун фойдали бўлган лецитин каби моддалар, жумладан минерал тузлар, кальций ва фосфорга бой.
Шунингдек, қуён гўшти жигар, меъда, юрак-қон томир тизими касалликлари, қандли диабет ҳамда аллергияси бор инсонларга тавсия этилади.
Манба: http://vetgov.uz сайти
НУРОТАДА ФРАНЦИЯДАН КЕЛТИРИЛГАН 66 БОШ ГОЛШТИН ЗОТЛИ СИГИРЛАР ПАРВАРИШ ҚИЛИНМОҚДА...
НАВБАҲОР ТУМАНИДА ҚОРАМОЛЧИЛИК ВА ТУЯҚУШЧИЛИК ТАРМОҚЛАРИ РИВОЖЛАНИБ БОРМОҚДА...
“Меринос” зотли қўй ва “ангор” зотли эчкиларнинг жуни учун субсидия ажратилади...
ТОМДИ ТУМАНИДА ТУЯЧИЛИК ФЕРМЕР ХЎЖАЛИКЛАРИ СОНИ ОРТИБ БОРМОҚДА...
O‘zLiDeP ҳудудий ташкилотларида бир қатор қонун лойиҳалари, шу жумладан "Ветеринария тўғрисида"ги қонун лойиҳаси муҳокама қилинмоқда...